藝人羅嘉良相隔約10年回巢演出無綫劇集《模範律師團》，於深圳的外景拍攝進行得如火如荼，日前拍攝一場重頭法庭戲，羅嘉良的銀髮大狀造型曝光，當日許濤更親自現身為台前幕後打氣和了解進度，現場相當熱鬧。今次躋身一眾花旦包括楊茜堯、陳煒、張曦雯及劉佩玥當中，羅嘉良盡顯幽默風趣一面，令片場充斥笑聲，難怪眾人接受娛樂主播王鎮泉訪問時，皆異口同聲形容他如大細路一名，經常在別人背誦劇本時走來「搗亂」，張曦雯更嬌嗔透露：「試過有兩日冇見面，佢就走埋嚟話好耐冇見喇！」

楊茜堯則重提當年與羅嘉良合作拍攝《流金歲月》及《衛斯理》兩部劇集，當時對手戲不多，今次重遇幾乎日日於片場見面，故分外投契。當被問到是否與姓羅的人特別啱傾，她即笑着答：「屋企嗰個（丈夫羅子溢）係，呢個（羅嘉良）都係，屋企嗰個喺戲內仲做過羅嘉良個仔，咁不如遲啲開番套劇，等我演佢新抱啦！」陳煒與何廣沛亦不禁笑說：「羅嘉良好玩得，完全冇架子，跟住佢學埋啲奀皮嘢，哈哈！」

由於深圳廠房密封搭建，眾人大熱天身穿律師袍及西裝開工分外辛苦，有關方面即安排了一條「豬腸氣喉」，讓冷氣車空調直通入內，為團隊消暑。這項「福利」令一眾演員大呼歡迎，羅嘉良更不禁笑說：「如果冇咗，分分鐘真係會熱死人㗎！」