昨晨率先舉行男重資格賽，港隊派出方凱申、何瑋桁、劉昊峯和吳浩天參賽，4人分途出戰淘汰賽，方凱申和劉昊峯先後落敗，吳浩天及何瑋桁則連贏兩場殺入正賽，其中「阿天」首場淘汰賽在大部分時間落後下，通過「決一劍」擊敗瑞典的碧斯當。他認為現場氣氛一流，熟悉的打氣聲令他克服重重困難：「喺主場觀眾支持下打入正賽，感覺特別驕傲！聽到好多廣東話為我打氣，若非大家落力去嗌，可能我已經出局，依家總算有交代。」

談到港隊女重16歲新星兼「徒弟」吳海諦，前日首次打入世錦賽成年組正賽，「阿天」亦相當感動，但同時令他增添壓力：「徒弟入到正賽，作為教練若然資格賽出局會好瘀㗎！我好戥佢開心，因為佢今年搵到方向得到成果，仲特登嚟支持我比賽，希望佢享受睇我打劍啦。」至於何瑋桁在小組賽以並列第102位出線，最終經過兩輪淘汰賽後取得另一個正賽席位，他指完成小組賽後心態變得輕鬆，令演出有改善。

女子佩劍資格賽則於昨日較後時間進行，港隊派出薛雅齊（Summer）、朱詠翹、劉綺程及梁洛文出擊，4人俱成功打入淘汰賽，但只有薛雅齊在淘汰賽以15比10刺走波蘭選手Maria Wieckiewicz，成為唯一打入女佩正賽的港將，Summer透露比賽前夕緊張得無法入睡：「每當喺香港比賽就非常緊張，因為家人同朋友都會入場，我真係唔想令佢哋失望，但其實佢哋嘅支持對我嚟講非常重要。」圖/文：鄧文滔